राहदानी छपाइमा भएको अनियमिततासम्बन्धी मुद्दाका सात प्रतिवादीहरूको विशेष अदालतमा बयान सुरु भएको छ।  अख्तियार दुरुपयोग अनुसन्धान आयोगले सोमबार १६ व्यक्ति र दुई कम्पनीविरुद्ध मुद्दा दायर गरेकोमा सातजनालाई पक्राउ गरेरै उपस्थित गराएको थियो ।

बिज्ञापन

राहदानी विभागका महानिर्देशक तीर्थराज अर्यालसहित निर्देशक सुनील केसी, सोमेश थापा, विपिन प्रसाईं, राजाराम दाहाल, तत्कालीन लेखा अधिकृत तुलसीप्रसाद आचार्य र जर्मन कम्पनीका एजेन्ट मणिन्द्रकुमार मल्ललाई उपस्थित गराइएको हो। उनीहरूको मंगलबारदेखि बयान सुरु भएको हो। बयानपछि हुने थुनछेक आदेशले उनीहरूलाई थुनामा पठाउने, धरौटीमा छाड्ने वा साधारण तारेखमा छाड्ने भन्ने निर्णय हुनेछ।