बिज्ञापन

बिज्ञापन

केन्द्रका अनुसार प्रदेशका मन्त्रालय, कार्यालय, आयोजना र स्थानीय तहहरूको छड्के निरीक्षण गर्न थालेको छ। सिंहदरबारमा समेत केन्द्रले नियमित छड्के हानिरहेको छ। समय पालन भए वा नभएको, कुर्सीमा बसे तथा नबसेको, तोकिएको पोशाक लगाए वा नलगाएको, तोकिएको जिम्मेवारी पूरा गरे वा नगरेको विषयमा केन्द्रले नियमित छड्के अनुगमन तिव्र पारेको जनाइएको छ । यही महिनामा मात्र दैनिक कम्तीमा १० वटा कार्यालय गई सङ्कलन गरेको विवरणका आधारमा नियम उल्लङ्घन गर्ने कर्मचारीलाई कारबाहीका लागि सम्बन्धित निकायलाई पत्राचार गरिएको जनाइएको छ ।

उक्त अनुगमनको क्रममा राष्ट्रिय सतर्कता केन्द्रले सरकारी कार्यालयमा छड्के अनुगमनलाई तीव्रता दिइरहेको छ । केन्दले पाँच वटा समूह बनाएर कार्यालय समयमा हाजिरी, पोशाक, फाइल ट्रापिङजस्ता गरेको छ । साउन यता एक हजार १३० कार्यालय अनुगमन गरेको छ । तीमध्ये छ हजार ७१० जना कर्मचारीले कार्यालय समय पालना नगरेको र एक हजार १६२ कर्मचारीले तोकिएको पोशाक नलगाएको पाइएको केन्द्रले जनाएको छ । कर्मचारीलाई निजामती सेवा ऐन, २०४९ को दफा ५५ अनुसार सम्बन्धित कार्यालयले चेतावनी पत्र दिने र सोको अभिलेख कार्यालमा राखिने भएको छ । यस्तै, ऐनमा दुई पटकसम्म चेतावनी परिसकेका कर्मचारीलाई विभागीय कारबाही गर्ने व्यवस्था रहेको छ ।