लोकसेवा आयोगले सहसचिव तहको अन्तिम नतिजा सार्वनजनिक गरेको छ । आयोगले विभिन्न मितिमा लिइएको नेपाल प्रशासन सेवा,नेपाल संसद सेवा,नेपाल लेखापरीक्षण सेवा,नेपाल न्याय सेवाको अन्तिम नतिजा प्रकाशन गर्दै सफल उमेद्धारहरुलाई स्थायी नियुक्तिका लागि संघीय मामिला तथा सामान्य प्रशासन मन्त्रालयलाई सिफारिस गरेको हो ।
बिज्ञापन
जस अनुसार नेपाल प्रशासन सेवाबाट चार र अन्य सेवाबाट एक- एक गरी सात जना कर्मचारीहरु सहसचिव स्थायी नियुक्तिका लागि सिफारिस भएका छन् ।
बिज्ञापन
आयोगद्धारा प्रकाशित नतिजा अनुसार,नेपाल न्याय सेवा,कानुन समूहबाट रौतहट स्थायी ठेगना भएकी नुतन झालाई स्थायी नियुक्तिका लागि सिफारिस गरेको हो । यस्तै नेपाल प्रशासन सेवातर्फबाट झापाका विजयकुमार शर्मा र सुर्खेतका टेकबहादुर ओलीलाई नियुक्तिका लागि भूमि व्यवस्था,सहकारी तथा संघीय मामिला तथा सामान्य प्रशासन मन्त्रालयलाई सिफारिस गरिएको छ । महिला कोटाबाट आरती न्यौपाने र पिछडिएको क्षेत्रबाट बसन्त बोहोरा सहसचिवमा नियुक्तिका लागि सिफारिस भएका छन्।
उता लेखापरीक्षणतर्फ नरेन्द्र सत्याल र संघीय संसदतर्फ विशाल सापकोटा नियुक्तिका लागि सिफारिस भएका छन् ।
बिज्ञापन
