श्रम, रोजगार तथा सामाजिक सुरक्षामन्त्री राजेन्द्रसिंह भण्डारीले आफ्नो मन्त्रालय मातहतका निकायबाट भएका कामकारवाहीप्रति असन्तुष्टि व्यक्त गरेका छन् ।
बिज्ञापन
प्रहरीका एआइजीबाट अवकाश पाएका मन्त्री भण्डारीले निजामती कर्मचारी र तिनका कार्यसम्पादनप्रति असन्तृष्टिर्कै कारण हुन पर्दछ मन्त्रालय र विभागमा प्रहरीको टुकडी नै राखेका छन् । उनै मन्त्री भण्डारीले आज मन्त्रालय मातहतका निकायबाट भएका कामकारवाही जनमूखी हुन नसकेको र सेवाग्राहीहरुले गुनासो गरिरहेको भन्दै असन्तुष्टि व्यक्त गरेका हुन् । श्रम क्षेत्रमा आफू अनुकुलको कार्यविधि बनाउँदै सिण्डिकेट खडा गरेको र श्रमिकमैत्री बन्न नसकेको उनले बताए ।
बिज्ञापन
मन्त्री भण्डारीले अबको महिना दिनभित्र वैदेशिक रोजगारीको क्षेत्रमा रहेका सबै सिन्डिकेटहरू तोड्ने दाबी गर्दै श्रमिकलाई ट्र्यापमा पार्ने खालका सबै प्रकारका कार्यविधि खारेज गर्दै आवश्यक नीतिगत सुधार गरिने बताए । मन्त्री भण्डारीले वैदेशिक रोजगारीसँग जोडिएको फ्री भिसा र फ्री टिकटको व्यवस्था समस्याको रूपमा देखापरेको बताए । बाहिरबाट हेर्दा राम्रो देखिए पनि फ्री भिसा र फ्री टिकटको व्यवस्थाले राजस्व चुहावट, कर छली र संगठित अपराधलाई बढावा दिएको उनको दाबी छ ।
मन्त्री भण्डारीले मन्त्रालयले नै श्रम स्वीकृतमार्फत विदेश पठाउने, निःशुल्क स्वास्थ्य परीक्षणको व्यवस्था गर्ने र अभिमुखीकरण तालिम पनि सञ्चालन गर्ने व्यवस्था ल्याउने बताए । मन्त्री भण्डारीले भने,वैदेशिक रोजगारसँग जोडिएको फ्री भिसा, फ्री टिकटको विषय पनि समस्याको रूपमा देखिएको छ । हेर्दा सुन्दा राम्रो लागे पनि त्यसले राजस्व चुहावटदेखि लिएर कर छली र संगठित अपराधहरू यसको माध्यमबाट भइरहेका छन् । त्यसकारण यस्ता प्रकारका पपुलिस्ट मुद्दालाई लिएर कहिलेसम्म हामी गुमराहमा पर्ने ? त्यसकारण यसलाई खारेज गरौँ ।’
बिज्ञापन
कार्यक्रममा मन्त्रालय मातहतका विभाग र शाखाका प्रतिनिधिले आ–आफ्नो निकायमा पुस महिनासम्म भएको कार्यसम्पादन विवरण प्रस्तुत गरेका थिए । सचिव दीपक काफ्लेले मन्त्रालयले हालसम्म चालु आवमा १६ प्रतिशतभन्दा पनि बढी बजेट खर्च नगरेकाले विभागहरुले कार्यक्रम सञ्चालनमा तीव्रता बढाउन निर्देशन दिएका थिए ।
