स्वास्थ्य सेवा विभागका महानिर्देशक टंकप्रसाद बाराकोटीले सरकारी सेवाबाटै राजीनामा दिएका छन् । मन्त्रालयका अतिरिक्त सचिव समेत रहेका बाराकोटीलाई पूर्व स्वास्थ्यमन्त्री प्रदीप पौडेलले गत फागुनमा महानिर्देशक नियुक्त गरेका थिए ।

बिज्ञापन

बाराकोटीले जिम्मेवारी सम्हालेको सात महिना पछि नै पदबाट राजीनामा दिएका थिए । उनको जागिर अवधि अझैं दुई बर्ष बाँकी रहेको जनाइएको छ । सेवा अवधि दुई बर्ष बाँकी रहँदै उनले सेवाबाटै राजीनामा दिएका हुन । स्वास्थ्य मन्त्रालय स्रोतका अनुसार आज दिँउसो बाराकोटीले स्वास्थ्यमन्त्री सुधा शर्मालाई भेटेर उनले राजीनामा पत्र दिएका हुन्।
डा बाराकोटी विभागको महानिर्देशक भएर गएसँगै उनी अघि महानिर्देशक रहेका तथा हालका स्वास्थ्य सचिव विकास देवकोटाले मिलेमतोमा अगाडि बढाएका विभिन्न ६ वटा टेण्डरहरु रद्ध गराएका थिए । सो सँगै सचिव र उनको द्धन्द शुरु भएको थियो ।बाराकोटीले राजीनामाको कारण पारिवारिक भएको बताएका छन् । साढ् दुई दशक भन्दा बढी समय सरकारी सेवामा बिताएका डा बाराकोटी बालरोग विशेषज्ञका रूपमा परिचित छन्। तेह्रथुममा जन्मिएका र ल्याब टेक्निसियनबाट सुरु भएको आफ्नो करिअर मेहनत र इमान्दारिताको प्रतिफलका रूपमा महानिर्देशकसम्म पुर्याएका उनले सेवा अवधि दुई बर्ष बाँकी रहँदै सरकारी जागिरबाटै विश्राम लिन लागेका हुन । बाराकोटी स्वास्थ्य सेवाका १२औँ अर्थात अतिरिक्त सचिव हुन । उनले दिएको राजीनामा मन्त्रीपरिषद्ले स्वीकृत गर्नुपर्ने हुन्छ।