बिज्ञापन

बिज्ञापन

सेवामा मन होस् र जोश तनमा यी हातमा शक्ति होस्
आफ्नो स्थानसँगै सुशासन सुधा आत्मा सबैको बनोस् ।
आस्था होस् अनुभूतिसाथ जनमा यै चेतनाले भरौँ
सेवा धर्ममुखी प्रशासन बनोस् सङ्कल्प यस्तो गरौँ ।।३

आजैबाट जुटेर लाग्नु छ यहाँ गाथा सुनौला बनून्
सेवा शासनमा सुसज्जित हुदाँ आहा भलाे भो भनून्
सप्पै कानूनमा बराबर रहून् यो एकतामा परौँ
होस् सामाजिक न्याय नित्य जनमा सङ्कल्प यस्तो गरौँ ।।४

त्यागौँ खेल बजेटमा समयमा थैली रमोस् काममा
हाम्रो यो व्यवहार चाल बदलौ शैली रमोस् काममा ।
यात्रा चल्छ सुधारको मुलुकमा गन्तव्य त्यस्तो चढौँ
पारौँ फर्फर चन्द्रसूर्य ध्वज यो सङ्कल्प यस्तो गरौँ।।५

बन्दै सिर्जनशील कर्म गरिए फुल्नेछ माटो पनि
लागौँ भाइ र भाइ राष्ट्रहितमा होस्टे र हैसे भनी ।
भाषा भेष कला र संस्कृति बचोस् नेपाल मायाँ गरौँ
मर्नै पर्दछ देश खातिर मरौँ सङ्कल्प यस्तो गरौँ ।।६

शार्दूलविक्रीडित छन्दमा लिखित यस कविताले निजामती सेवा दिवस ०८२ को अवसरमा आयोजना गरेको राष्ट्रव्यापी खुल्ला कविता प्रतियोगितामा द्वितीय स्थान हासिल गर्न सफल भएको छ ।