पाहुना बनेर आएका हौँ भोलि उठेर जानैपर्छ
दम्भ किन पाल्छौ हे मनुष्य एकदिन त मरेर जानैपर्छ
बिज्ञापन
न कसैको थ्यो न तिम्रो छ न कसैको हुनेछ।
जे छ त्यो कसैको होइन सबथोक त्यागेर जानैपर्छ
बिज्ञापन
रूप, रङ ,उमेर जवानी दिगो यहाँ केही छैन
फुलेको सुन्दर फूल पनि एकदिन झरेर जानैपर्छ
सारा नाता कुटुम्ब अजम्बरी साथ हुँदैन
अजर अमर जो भए नी शरीर छाडेर जानैपर्छ
बिज्ञापन
मान नमान जे भन्छौ भन यो सुन्दर सृष्टि उसैको हो
तन , मन ,धन जो उसैमा लगाई अभिमान मेटेर जानैपर्छ
