बिज्ञापन

बिज्ञापन

राजधानीको क्रिस्टल पार्टी भेन्युमा माओवादी केन्द्रकी उपाध्यक्ष पम्फा भुषालको प्रमुख आतिथ्यतामा आयोजित कार्यक्रम बिहान ११ बजेदेखि सुरु भई दिनभरजसो चल्यो । निजामती कर्मचारीहरूको कार्यालय समय बिहान १० बजेदेखि साँझ ५ बजेसम्म भए पनि, १० बजे हाजिर गरेरै कर्मचारीहरू कार्यक्रममा रमाइरहेका थिए ।

कार्यक्रममा नाचगान, गीत–संगीत र तीज विशेष प्रस्तुतिहरू भइरहँदा सेवाग्राहीहरू चाहिँ कार्यालय धाएर निराश बनेका थिए । सेवाग्राहीहरूले “कार्यालय समयमै कर्मचारीहरू पार्टीमा रमाउँदा हामीलाई जरुरी सेवा लिन अप्ठ्यारो भएको छ” भन्दै असन्तोष पोखेका छन् ।

महिला महान पर्व तीज नजिकिँदै गर्दा उत्सवमय माहोल बनाउने बहानामा कार्यालय समयमै कर्मचारीलाई ठूलो संख्यामा परिचालन गरिनु गैरजिम्मेवार व्यवहार भएको भन्दै आलोचना भएको छ । यसरी सेवाग्राही मारमा पर्दा पनि निगरानी गर्ने जिम्मेवारी लिएको राष्ट्रिय सतर्कता केन्द्र भने मौन बसेको देखिएको छ ।