संघीय मामिला तथा सामान्य प्रशासनमन्त्री भगवती न्यौपानेले दुर्गममा खटाइदा जान नमान्ने कर्मचारीको नाम सार्वजनिक गर्ने चेतावनी दिएकी छिन् ।
बिज्ञापन
मन्त्रालय सम्हालेको एक महिना पुगेको अवसरमा सिंहदरबारमा आयोजित पत्रकार सम्मेलनमा मन्त्री न्यौपानले दुर्गममा खटाइँदा नजाने कर्मचारीहरुको नाम सार्वजनिक गर्ने बताएकी हुन ।
बिज्ञापन
उनले लामो समयदेखि सुगममा बस्ने तर दुर्गममा जान नमान्ने कर्मचारीहरूको नाम संकलन भइरहेको र उनीहरूको नाम सञ्चारमाध्यमलाई उपलब्ध गराउने बताएकी छिन् । कोही कर्मचारी सदैव दुर्गममा मात्रै सेवा गरिरहने त केही सुगममा मात्रै कोही बसिरहने, कोही धेरै वर्षदेखि भ्याली नछोड्ने, कोही धेरै वर्षदेखि दुर्गममा बसिरहने विकृती निजामती प्रशासनमा रहेको उल्लेख गर्दै उनले लामो समयदेखि दुर्गममा रहेर सेवा गरिरहेका कर्मचारीलाई सुगममा ल्याउनेगरी मन्त्रालयले काम गरिरहेको बताएकी छिन् ।
यस्का अलवा मन्त्री न्यौपानेले धेरै स्थानीय तह निमित्तले चलाइरहेको उल्लेख गर्दै भदौ महिनाभित्रमा निमित्तले प्रमुख प्रशासकीय अधिकृत भएर काम चलाएको छ, यसलाई जिरोमा झारिने दावी गरेकी छिन् ।
बिज्ञापन
