वीरताको प्रतीक हो रातो रङ
सायद त्यसैले होला,
देशको झन्डामा छ रातो रङ
रातो नै छ राष्ट्रिय फूल लालिगुराँस
रातो नै सिम्रिक छ राष्ट्रिय रङ।

बिज्ञापन

प्रेम र शुद्धताको प्रतीक हो रातो रङ
नारी सौभाग्यको प्रतीक हो सिन्दूर र रातो रङ
त्यसैले त,
प्रेमको प्रतीक गुलावको छ रातो रङ ।
तर,
किन अशुद्ध हुन्छ ?
रजस्वलाको रगतको रातो रङ
किन वर्जित हुन्छ ?
विधवालाई रातो सारी र रातो रङ
किन खोसिन्छ ?
श्रीमानको मृत्युपछि
नारी सौभाग्यको सिन्दूर र रातो रङ
खै, हुँदैन रैछ वीरताको प्रतीक रगतको सबै रातो रङ ।
हुँदैन रैछ सबैको सौभाग्य सिन्दूर र रातो रङ ।