प्रधानमन्त्री केपी शर्मा ओलीले आज साँझ ७ बजे बालुवाटारमा मन्त्रिपरिषद्को बैठक बोलाएका छन्। बैठकलाई महत्त्वपूर्ण प्रशासनिक निर्णयका लागि तयारी स्वरूप हेरिएको छ।
बिज्ञापन
सरकारले महिनौँदेखि रोकिएको सहसचिवहरूको सरुवा अन्तिम रूप दिन खोजेको हो। यसअघि मन्त्रिपरिषद् बैठकले सरुवाको निर्णय गरे पनि प्रधानमन्त्री ओलीको विदेश भ्रमणका कारण अन्तिम सूची पेस हुन सकेको थिएन।
बिज्ञापन
सरुवामा ढिलाइ हुनु कुनै साधारण लापरबाही मात्र नभई राजनीतिक स्वार्थको परिणाम हो भन्ने आरोप पनि सतहमा आएको छ। स्रोतहरूका अनुसार, आजको बैठकले रोकिएको सरुवा टुंग्याउनुका साथै अन्य संवेदनशील प्रशासनिक विषयहरूमा पनि निर्णय गर्न सक्छ।
यसअघि पनि मन्त्रिपरिषद् बैठकहरूमा ‘निर्णय भयो तर कार्यान्वयन भएन’ भन्ने प्रवृत्ति बढ्दै गएको भन्दै आलोचना हुँदै आएको छ। आजको बैठकले त्यो प्रवृत्ति अन्त्य गर्न सक्छ कि पुनः दोहोर्याउँछ — त्यो भने आजै स्पष्ट हुनेछ।
बिज्ञापन
