बिज्ञापन

बिज्ञापन

आइतबार काठमाडौंमा आयोजित ‘अध्यागमन सुधार तथा प्रशासनसँग सम्बन्धित समसामयिक विषयमा’ केन्द्रित पत्रकार भेटघाट तथा अन्तरक्रियामा बोल्दै तिवारीले भिजिट भिसामा देखिएको अनियमिततालाई मानव तस्करीसँग जोडेर बुझ्नु अनुपयुक्त हुने धारणा राखे।

उनले भने, “संसारमा कतै पनि व्यक्ति राम्रो खोजेर सुशासन ल्याउन सकिँदैन, प्रणाली राम्रो बनाउनु पर्छ। अहिले हामीले भिजिट भिसाका विषयलाई मानव बेचबिखनको रूपमा बुझेका छौं, तर यो मानव तस्करी होइन, कुशासन हो। कानुनले पनि यी दुईलाई फरक रूपमा परिभाषित गरेको छ।”

महानिर्देशक तिवारीले विदेश गएकाहरूलाई एउटै दृष्टिकोणले हेर्नुपर्नेमा जोड दिए। “कोही भिजिट भिसामा गएर गैरआवासीय नेपाली संघ (एनआरएन) को उच्च पदमा पुग्छन्, तिनीहरूले राष्ट्रलाई योगदान दिन सक्छन्। तर कोही समस्यामा परे, त्यसलाई बेग्लै दृष्टिकोणले हेरिन्छ। यो दृष्टिकोण बदलिनुपर्छ,” तिवारीको भनाइ थियो।

उनले विभाग भित्रको प्रणालीलाई सुधार गर्दै पारदर्शी, उत्तरदायी र नागरिकमैत्री बनाउन आफूहरू क्रियाशील रहेको पनि बताए।