बागमती प्रदेशका मुख्यमन्त्री बहादुर सिंह लामाले आफ्नो मन्त्रिपरिषद् विस्तार गर्दै तीन जना मन्त्री नियुक्त गरेका छन्। सोमबार उनले गोविन्द लम्साल, माया श्रेष्ठ र गीता गुरुङलाई मन्त्रीमा नियुक्त गरेका हुन्।
बिज्ञापन
नियुक्त भएका तीनमध्ये गोविन्द लम्साललाई आन्तरिक मामिला तथा कानुन मन्त्रालयको जिम्मेवारी दिइएको छ। माया श्रेष्ठ र गीता गुरुङको मन्त्रालयको जिम्मेवारी भने तोकिएको छैन।
बिज्ञापन
कांग्रेस नेतृत्वमा रहेका पाँच मन्त्रालय—युवा तथा खेलकुद, संस्कृति तथा पर्यटन, खानेपानी, ऊर्जा तथा सिंचाइ र सहकारी तथा गरिबी निवारण मन्त्रालय—अहिलेसम्म नेतृत्वविहीन छन्। लम्सालको नियुक्तिपछि आन्तरिक मामिला तथा कानुन मन्त्रालयमा मात्र नेतृत्व पुगेको छ।
यसअघि, ९ साउनमा चार जना र १३ साउनमा एक जना गरी कांग्रेसका पाँच जना मन्त्रीले मुख्यमन्त्री लामाविरुद्ध दर्ता गरिएको अविश्वास प्रस्तावमा हस्ताक्षर गर्दै राजीनामा दिएका थिए। त्यसयता ती मन्त्रालयहरू रिक्त थिए।
बिज्ञापन
