बिज्ञापन

बिज्ञापन

प्रकरणको मूल विषय कास्कीको बाटुलेचौरस्थित थकाली समुदायको करिब १५० रोपनी जग्गासँग जोडिएको छ । आरोपअनुसार एमालेनिकट सुजन लामाले मालपोत कार्यालय कास्कीका प्रमुख रामचन्द्र अधिकारीको सरुवा रोकाउन ७८ लाख रुपैयाँ घुस डिल गरेको अडियो सार्वजनिक भएको हो ।

लामा एमालेका आदिवासी जनजाति महासंघ गण्डकी प्रदेशका महासचिव तथा एमाले गण्डकी प्रदेश कमिटीका सल्लाहकारसमेत हुन्। अडियोमा लामाले मन्त्री गुप्तासँगको सघन सम्बन्ध प्रयोग गरेर सरुवा प्रक्रिया रोकाउने प्रयास गरेको आशंका गरिएको छ।

सांसद थापाले पार्टी वा नाता होइन, अपराध र संलग्नताको आधारमा छानबिन हुनुपर्ने धारणा राखेका छन् । उनले लेखेका छन्, “जो जुन पार्टीमा छन्, जोसुकै भए पनि, सार्वजनिक अडियोमा बोलेका सबैलाई नियन्त्रणमा लिई छानबिन हुनुपर्छ।”

थापाका अनुसार यो विषय केवल आरोप–प्रत्यारोपको राजनीतिक अस्त्र वा फसफस गर्ने मसला होइन । “यो सुशासनको प्रत्याभूति गर्न र अख्तियारजस्ता संवैधानिक निकायले कानूनी प्रक्रिया निष्पक्षताका साथ अघि बढाउनको लागि हो,” उनले भनेका छन्।