म पल्टें जहाँ
म सुते जहाँ
त्यही ओछ्यान प्यारो छ।
बिज्ञापन
खुर्पिठ्याक भिरी
घाँस काट्न हिँडेको
त्यही पाखो प्यारो छ।
बिज्ञापन
डोको बोकेर
थुम्से लिएर
घाँस काट्न हिँडेको
त्यही हंसिया प्यारो छ
त्यही नाम्लो प्यारो छ।
कटेरोमा भैंसी
गोठमा गाई
दिनभर चराई
त्यही दाम्लो प्यारो छ।
बिज्ञापन
खोलाको पानी
कुलोमा फर्काई
तारे र माले
गोरुहरूलाई
ललाई फकाई
राम्चे र गैरी
खेत रोपेको
त्यही खेत प्यारो छ।
भोकाएका
सामे र बादुरे
गोरुको जोडीलाई
केही खुवाउन
तिनीहरूलाई अघाउन
मकै बारीभित्र पसेर
दुईमुठा बन्सो काटेको
त्यही भेग प्यारो छ।
दिउँसो दुई बजेतिर
खाजा खाएको
मानो खाएर
मुरी उब्जाएको।
त्यही गाउँ प्यारो छ
त्यही ठाउँ प्यारो छ।
वनमा गएँ
ऎशेलु टिपेँ
काफल खाएँ
त्यही बुटो प्यारो छ।
म पल्टें जहाँ
म सुते जहाँ
त्यही ओछ्यान प्यारो छ।
त्यही ओछ्यान प्यारो छ।
प्रतिक्रिया दिनूहोस्
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
