सरकारले दुई जना सचिवको सरुवा गरेको छ ।
बिज्ञापन
हिजो बसेको मन्त्रिपरिषद्को बैठकले दुई आयोगका सचिवहरुको सरुवा गरेको हो । जस अनुसार निर्वाचन आयोगका सचिव भरत सुवेदीलाई वित्त आयोगमा र वित्त आयोगका सचिव महादेव पन्थ निर्वाचन आयोगमा सरुवा गरिएको हो ।
बिज्ञापन
पन्थ गत बर्ष भदौंमा सचिवमा बढुवा भएका हुन । त्यस यता उनी लुम्बिनी प्रदेश,बाग्मती प्रदेशको प्रमुख सचिव हुँदै अघिल्लो महिनामात्र वित्त आयोगमा पुगेका थिए । उनलाई यस अघि आफ्नै भाइ रविलालले सचिवको भूमिका निर्वाह गरेको निर्वाचन आयोगमा खटाइएको हो ।
यस अघि संघीय मामिला तथा सामान्य प्रशासन मन्त्रालयका सचिवको जिम्मेवारीमा रहेका भरतमणि सुवेदी गत पुसमा निर्वाचन आयोगमा पुगेको थिए । सामान्य प्रशासनको जिम्मेवारी सम्हालेको ५ महिना १० दिनमा उनी सरुवा भएर निर्वाचन आयोगमा पुगेका थिए । संघीय मामिलामन्त्री राजकुमार गुप्तासँग बोलचाल नै बन्द हुने अवस्था बनेपछि उनी निर्वाचन आयोगमा पुगेकोमा पाँच महिना पछि वित्त आयोगमा पुगेका छन् ।
