पर्सा — बहुदरमाई नगरपालिकाका प्रमुख प्रशासकीय अधिकृत अजयकुमार श्रीवास्तव अख्तियार दुरुपयोग अनुसन्धान आयोगको फन्दामा परेका छन्। भ्रष्टाचारमा संलग्न भएको ठोस प्रमाण भेटिएको भन्दै आयोगले उनलाई पक्राउ गरेको हो।
बिज्ञापन
बिज्ञापन
शुक्रवार काठमाडौँस्थित आयोगको केन्द्रीय टोलीले श्रीवास्तवलाई नियन्त्रणमा लिएको हो। उनीमाथि पोखरिया र बहुदरमाई नगरपालिकामा कार्यरत रहँदा विभिन्न विकास योजना र ठेक्का प्रक्रियामा अनियमितता गर्दै गैरकानुनी लाभ लिएको आरोप छ।
बिज्ञापन
आयोग स्रोतका अनुसार, श्रीवास्तवले पदको दुरुपयोग गरी व्यक्तिगत लाभका लागि रकम मागेको र लिएको पुष्टि हुने प्रमाण फेला परेको छ। उनले पोखरिया नगरपालिकामा कार्यरत रहँदा पनि यस्तै प्रकारका गतिविधि गरेको आशंका गरिएको छ।
हाल उनलाई नियन्त्रणमा लिइ अनुसन्धान अघि बढाइएको आयोगले जनाएको छ। स्थानीय तहमा रहेको प्रशासकीय पदको दुरुपयोग भएको यो घटना सार्वजनिक भएपछि सरोकारवालाबीच चासो बढेको छ।
