सुदूरपश्चिम प्रदेश लोक सेवा आयोगले प्रदेश निजामती सेवाका अधिकृत सातौँ तहका प्राविधिक पदमा विज्ञापन खुलाएको छ ।
बिज्ञापन
आयोगले तथ्यांक अधिकृत,इञ्जिनियर,नापी अधिकृत,कृषि प्रचार अधिकृत,बाली संरक्षण अधिकृत,पशु विकास अधिकृत,वन अधिकृत,जनस्वास्थ्य अधिकृत लगायतका पदमा विज्ञापन खुलाएको छ ।
आयोगले यी विभिन्न पदमा १३२ जनाका लागि विज्ञापन खुलाएको छ । आयोगले एक सूचना प्रकाशन गर्दै जेष्ठता तथा कार्यसम्पादनद्धारा हुने बढूवा,कार्यक्षमताका आधारमा हुने बढूवाका हुने पदपूर्ति र अधिकृत सातौँ तहमा विभिन्न सेवा, समूह, उपसमूह र तहका पदको आन्तरिक प्रतिष्प्रर्धा र अन्तर तह र खुला तथा समावेशी प्रतियोगितात्मक परीक्षाद्वारा पूर्ति गर्न अधिकृतको विज्ञापन खुलाएको जनाएको छ ।
बिज्ञापन
योग्यता पुगेका उम्मेदवारहरूले आजदेखि जेठ ८ गतेसम्म दरखास्त दिन सक्नेछन् भने दोब्बर दस्तुर तिरेर जेठ १५ गतेसम्म अनलाइनमार्फत दरखास्त दिन सक्नेछन् ।
बिज्ञापन
