लोक सेवा आयोगले संघीय निजामती सेवामा अतिरिक्त सचिवको पद ब्युँताउन सुझाव दिएको छ ।लोक सेवा आयोगका अध्यक्ष माधव रेग्मीसहितका पदाधिकारीले यस्तो सुझाव दिएका हुन् । आयोगका पदाधिकारीसँग संसदीय उपसमितिले गरेको छलफलमा यस्तो राय व्यक्त भएको हो । अतिरिक्त सचिव राख्न पनि आयोगले सुझाव दिएको छ ।
बिज्ञापन
यस्तै आरक्षणको सुविधा एकपटक मात्रै दिनुपर्ने सुझाव आयोगले दिएको छ । निजामती सेवामा ट्रेड यूनियन राख्ने कि नराख्ने भन्ने विषयमा भने सुझावमा आधिकारिक टेड्र युनियनलाई व्यवस्थित गरेर जाँदा उपयुक्त हुने आयोगले भनेको छ ।
बिज्ञापन
उपसमितिले १४ वटा विषयहरू सहमतिका लागि तयार पारेर सुझाव लिन सुरू गरेको छ । निरन्तर छलफल गरेर तोकिएको समयभित्रै प्रतिवेदन बुझाउने गरी काम गरिरहेको उपसमितिको भनाइ छ । संघीयता कार्यान्वयनका लागि अत्यावश्यक मानिएको निजामती विधेयक नबन्दा तीनै तहको कर्मचारी व्यवस्थापनमा समस्या देखिँदै आएको छ ।
बिज्ञापन
