बिज्ञापन

बिज्ञापन

सरकारी सेवा प्रवेशको आधारमा हेर्दा डा. देवकोटा सबैभन्दा वरिष्ठ हुन् । तर १२औं तहमा भने डा. संगिता, दुई अतिरिक्त सचिवभन्दा ८ महिनाअगाडि बढुवा भएकी हुन् ।

डा. देवकोटाले स्वास्थ्य मन्त्रालय विभिन्न महाशाखा प्रमुख र मन्त्रालयको प्रवक्ताको भूमिका निर्वाह समेत गरिसकेका छन् । यस्तै लुम्बिनी प्रदेशको स्वास्थ्य सचिवको अनुभव पनि उनीसँग छ ।

डा. बाराकोटी लामो समय उपत्यका बाहिर सेवारत रही हालै १२औँ तहमा बढुवा भएर स्वास्थ्य मन्त्रालय आइपुगेका हुन् ।भने कोरोना महामारीमा कोशी प्रादेशिक अस्पतालको नेतृत्व गरिसकेकी डा. मिश्रले परोपकार प्रसूति तथा स्त्रीरोग अस्पतालको निर्देशक र स्वास्थ्य विभागको महानिर्देशक समेत भइसकेकी छिन् ।

फागुन ११ गते स्वास्थ्य सचिवको पद रिक्त भएपछि १२ गते लोक सेवा आयोगका अध्यक्ष माधवप्रसाद रेग्मीको अध्यक्षतामा गठन हुने बढुवा समितिले सचिवका लागि सरकारलाई नाम सिफारिश गर्नेछ । बढुवा गर्दा ज्येष्ठता र कार्यसम्पादन मूल्यांकनसहितको अंकलाई आधार मानेर सिफारिश गर्नुपर्ने हुन्छ ।

स्वास्थ्य मन्त्रालय स्रोतका अनुसार ज्येष्ठता र कार्यसम्पादन मूल्यांकनको आधारमा मिश्रा नै पहिलो स्थानमा छिन् ।