लोक सेवा आयोगले उपसचिव पदको बढुवा स्थगित गरेको छ । आयोगले नेपाल इन्जिनियरिङ्ग सेवाका राजपत्राङ्कित द्वितीय श्रेणी (उपसचिव) वा सोसरह पदको बढुवा विज्ञापन स्थगित गरिएको जनाएको छ । उच्च अदालत पाटनको आदेशपछि गत असोज ३० गते प्रकाशित बढुवाको प्रक्रिया हाललाई स्थगित भएको छ ।
बिज्ञापन
आयोगले विभिन्न ४९ पदका लागि बढूवाको लागि विज्ञापन प्रकाशन गरेको थियो तर अदालतको आदेश कार्यान्वयनको सिलसिला भन्दै लोकसेवाले उक्त विज्ञापन अनिश्चित समयसम्मका लागि स्थगित गरेको जनाएको छ ।
बिज्ञापन
उच्च अदालत पाटनमा उक्त बढूवाको विज्ञापन विरुद्ध परेको रिटमा १४ कार्तिककमा आन्तरिम आदेश जारी भएको थियो । ऊर्जा मन्त्रालय अन्तरगतका कर्मचारीहरु यो सूचना न्यायसंगत नभएको भन्दै अदालत गएका थिए । उनीहरुको मागअनुसार नै अदालतले अन्तरिम आदेश जारी गरेको थियो ।
सोही आदेश कार्यन्वयनका लागि भन्दै लोकसेवा आयोगले बढूवाको विज्ञापन हाललाई स्थगित गरेको जनाएको छ ।
बिज्ञापन
आयोगले जारी गरेको सूचनामा भनिएको छ, ‘सम्मानित उच्च अदालत पाटनबाट रिट नं ०८१ डब्ल्युओ–०८३९ उपर मिति २०८१–०७–१४ मा भएको आदेश कार्यान्वयनको सिलसिलामा आयोगबाट मिति २०८१–०६–३० मा प्रकाशित नेपाल इन्जिनियरिङ्ग सेवाका राजपत्राङ्कित द्वितीय श्रेणी (उपसचिव) वा सोसरह पदका बढुवा सूचना र आ प्र तर्फका विज्ञापनको दरखास्त संकलन समेतका कार्यहरु आयोगको मिति २०८१–०८–०२ को निर्णयानुसार हाललाई स्थगित गरिएको छ ।’
यस अघि परराष्ट्र सेवाको उपसचिवको बढुवा विज्ञापन समेत अदालतकै आदेश अनुसार रोकिएको छ ।
