२०८० सालको मदन पुरस्कार लेखन मोहन मैनालीको कृति मुकाम रणमैदानले पाउने भएको छ। मदन पुरस्कार गुठीको आज बसेको बैठकअनुसार योपटकको मदन पुरस्कार पुस्तक मुकाम रणमैदान दिने निर्णय गरेको हो।
बिज्ञापन
पत्रकार तथा लेखक मैनालीको यो पाँचौं पुस्तक हो। यसअघि ‘मान्ठा डराएको जुग’, ‘उपल्लो थलो’, ‘देखेको देश’ र ‘आकाशमुखी’ मैनालीले ल्याइसकेका छन् ।
बिज्ञापन
यसैगरी जगदम्बा- २०८० बाट प्रा. डा. योगेन्द्रप्रसाद यादवलाई सम्मान गरिने निर्णय मदन पुरस्कार गुठीले गरेको छ। दुवै पुरस्कारको राशि चार लाख रुपैयाँ छ।
गुठीका अध्यक्ष कुन्द दीक्षितका अनुसार ‘नेपालका भाषाहरूको पहिचान, संरक्षण र अध्ययन–अनुसन्धान क्षेत्रमा निरन्तर समर्पित भई गहकिलो योगदान गरेकोमा’ मा यादवलाई जगदम्बा श्री प्रदान गर्ने निर्णय भएको हो ।
दुवै पुस्कारको राशि चार–चार लाख रुपैयाँ तोकिएको छ। गुठीले यसअघि भक्त स्याङतानको डम्फुको आत्मालाप जीवन क्षेत्रीको नुन तेल, भावेश भुमरी र प्रणिता चामलिङको भावलिपि , मोहन मैनालीको मुकाम रणमैदान र रोशन थापा ‘नीरव’ को सन्त्रासका साठी दिन कृतिलाई उत्कृष्टको सूचीमा राखेको थियो । तीमध्येबाट मोहन मैनालीको कृति पुरस्कृत गर्ने निर्णय गरेको हो ।
बिज्ञापन
मदन पुरस्कार २०१२ सालमा स्थापना भएको थियो।
