शक्तिको नाप
कुटनीतिक चापमा
अनेकौ बिचारको खेति गर्छन्
प्याथोक्रेसीमा
रणनीतिक बुटी
भान्साको डाडु पुनेउ
दिल्ली टोन र अमेरिका स्केच
सन्तुलित पार्दै
चीनलाई आँखा संन्काई रहेछन
र ती बिचरीहरु भंदैछन –
आतंकबादी जथालाई ’क्रेडिट’ दिनु हुन्न
========= =========
बिचारी भन्दा ठूला सुडेवाल÷ भुड़ेवाल
माहबिचारीहरू भन्दैछन् –
’यो कलिको राज्य हो’
’यहाँ पापको फलिफाप हुन्छ’
सिमाना अतिक्रमण
तोतेबोलीमा बिमति दर्ज
गति न मतिको ’हुक’ सिधान्त
सबैले यस्तै ’हेल्मेट’ लगाई रहेछन
हिन्दु सर्बोच्चताभित्र
मन्त्रीका मान्छे
बहुरुपीया सत्ताको दीर्घायु खातिर
बोक्रे भक्तिको ढोलक बजाईरहेछन्
चौसठ्ठी कलाले नि.पुण छन्
दुधले नुहाएका भन्छन् –
’हरेक मानिसभित्र जनावर छिपेको हुन्छ’ı
माटोलाई देउता बनाउदै
मन्त्रीका मान्छेहरु
बहुधूर्बियेताको घेराभित्र
धर्म–संकृति राजनीतिको
’फल्ट लाईन’ चलाई रहेछन्
तालाचाबी त्रिजटासंग छन्
मन्त्रीका मान्छेहरु
विश्वशान्तिका ढोंग मच्चाइ रहेछन्
भीत्तेचित्रमा उपनिवेश जिउदैछ
अज्ञयवादीहरू रसेलको ’इन्डक्टिनेट’ लाई घृणा नगर
बरु बसन्त क्रान्ति गर

बिज्ञापन

(कवि पौडेल नागार्जुन साहित्यिक प्रतिष्ठान,काठमाडौंका अध्यक्ष हुन ।