एमालेकै प्रधानमन्त्री र भूमि मन्त्री नै एमालेका बनेसँगै गिरिबन्धु टी स्टेटमा जोडिएका कर्मचारीलाई हाइसञ्चो भएको छ ।

बिज्ञापन

व्यापारी तथा विचौलियाहरुलाई पोस्ने गरी केपी ओली सरकार हुँदा यो प्रक्रिया अगाडि बढेको हो । र, यो प्रक्रिया अगाडि बढाउने उपसचिव हुन ओली निकटका उपसचिव रोशनशंकर घिमिरे । जो चार बर्षदेखि भूमी व्यवस्था तथा अभिलेख विभागको निर्देशकको कुर्सीमा छन् । निजामती सेवा ऐनले कुनै पनि कर्मचारीलाई दुई बर्षमा सरुवा गर्नुपर्ने प्रावधान भए पनि उनी एउटै कार्यालयमा पाँच बर्षदेखि टिकिरहेका छन् ।तर,सत्ता र शक्ति दायाँ भएपछि रोशनशंकर चार बर्षदेखि उक्त विभागको निर्देशकको कुर्सी छाडेर दाँया बायाँ हुनुपरेको छैन ।

बिज्ञापन

६२ साल मंसिर १७ गतेबाट शाखा अधिकृत तहबाट निजामती सेवामा पाइला राखेका घिमिरेले यो बीचमा सञ्चार,इलाका हुलाक,इनरुवा,गोश्वारा हुलाक,स्थानीय विकास मन्त्रालयमा कार्यरत रहेको देखिन्छ । जिविस सोलुखुम्बु र धनुषामा काम गरिसकेका उनी ७२ सालमा उपसचिव बढुवा भए यता भूमि व्यवस्था मन्त्रालय मातहत छोडेर अन्यन्त्र गएको देखिदैन । ७३ साल कार्तिक ३ गते प्रमुख मालपोत अधिकृत बनेर भद्रपुर पुगेका उनै रोशनले त्यहाँ २ बर्ष बस्दा उनैले गिरीबन्धु टी–इस्टेटको खर्ब रूपैयाँभन्दा बढी पर्ने जग्गा सरकारबाट सट्टापट्टाको निर्णय गराउने र किनबेच गर्ने खेलो फड्को शुरुवात गरेका कर्मचारीहरु बताउँछन् । निजामती किताबखानाको अभिलेख अनुसार, ७५ साल असोज २४ मा साँघु मालपोतमा सरुवा भएर आउँदा समेत उक्त गिरिबन्धुको फाइल बोकेर मन्त्रालय धाउने गरेको कर्मचारी वृत्तमा चर्चा छ । ७६ जेठ १९ सम्म साँखु मालपोत,त्यहँँबाट सहकारी प्रशिक्षण प्रतिष्ठान हुँदै ७७ साल माघ १० देखि उनी भूमि व्यवस्थापन तथा अभिलेख विभागका निर्देशकको जिम्मेवारीमा छन् । निजामती सेवा ऐनले दुई बर्षभन्दा बढी कुनै पनि कर्मचारीलाई एउटै कार्यालयमा जिम्मेवारी नदिनु भन्छ रोशनशंकरले चार बर्षदेखि विभागको जग्गा प्रशासन महाशाखा छाडेर दायाँबायाँ नहुनुको पछाडि तिनै गिरिवन्धुवालाहरुको हात र साथ रहेको बताइन्छ ।

यस्तै यो प्रकरणमा जोडिने मुख्य पात्र हुन टेकनारायण पाण्डे । जो अहिले कारागारमा पुगेका छन्,नक्कली शरणार्थी प्रकरणमा । लामो समय शिक्षा सेवामा बसेका उनलाई शिक्षाबाट भूमिमा तानेर यो काम तमाम गर्न लगाइएको थियो । त्यस समयमा केपी ओलीको मिसनलाई साथ दिने सहसचिव थिए,शेष पौडेल उनी भूमि व्यवस्था विभागका महानिर्देशक थिए । भूमि मन्त्रालयका अनुसार टेकनारायण पाण्डे,शेषकान्त पौडेल र रोशनशंकरको जोडबलमा भूमाफिया पोस्ने प्रस्ताव अगाडि बढेको हो । यो अपराध कर्ममा सामेल गराउन खोजिएको थियो तत्कालीन सचिव केदार न्यौपानेलाई । उनी ६ फागुन २० मा भूमिमा ल्याएर ५ महिनामै त्यहाँबाट फालिएको थियो । जीवनभर शिक्षा सेवामा काम गरेका टेकनारायण पाण्डेलाई कर्णाली प्रदेशका प्रमुखबाट सरुवा गराएर भूमिमा ल्याएर गिरिबन्धुले जग्गा सट्टापट्टा दिन मिल्नेगरी नियमावली तयार पारिएको थियो । यो प्रकरणमा जोडिएका सचिव अहिले कारागारमा छन् । महानिर्देशक पौडेल पीचएडी अध्ययनका लागि जापान पुगेका छन् भने रोशनशंकर घिमिरे भूमि व्यवस्थापन विभागमै कार्यरत छन् ।