विशेष अदालतले शाखा अधिकृतलाई भ्रष्टाचार मुद्धामा क्लिन चिट दिएसँगै अख्तियार मुद्धा पुनरावेदनको माग राखेर सर्वाेच्च पुगेको छ । अर्थ मन्त्रालयका तत्कालीन शाखा अधिकृत (हाल अवकाश प्राप्त) उद्धवप्रसाद थपलियासहित २ जनाविरुद्ध सर्वोच्च अदालतमा पुनरावेदन मुद्दा दर्ता गरेको छ ।
बिज्ञापन
विशेष अदालतबाट विभिन्न मितिमा फैसला भएका मुद्दामध्ये एउटामा चित्त नबुझेपछि आयोगले सर्वोच्चमा पुनरावेदन गरेको हो । अख्तियारले तत्कालिन शाखा अधिकृत उद्धवप्रसाद थपलियाविरुद्ध एक करोड ६४ लाख बिगो मागदाबीसहित मुद्दा दर्ता गरेको थियो । तर, विशेष अदालतले उनलाई सफाई दिएपछि त्यसप्रति असन्तृष्टि जनाउँदै अख्तियार सर्वोच्च पुगेको हो ।
बिज्ञापन
अख्तियारले प्रतिवादी थपलियाको वैधानिक आय २ करोड ४३ लाख ८३ हजार १२१ रुपैयाँ ६६ पैसा र खर्च एवं लगानी १ करोड ९९ लाख ९८ हजार ३३९ रुपैयाँ ३६ पैसा देखिएको थियो ।उनले गैरकानूनी सम्पत्ति आर्जन गरेको आरोप प्रमाणित भएपछि आयोगले विशेषमा मुद्दा दायर गरेको थियो । तर विशेषले थपलिया र मुना पन्त थपलियाले सफाइ पाउने फैसला गरेको थियो ।
र गैरकानूनी सम्पत्ति आर्जन मुद्दामा विशेषको फैसला चित्त नबुझी असार ५ गते बुधबार सर्वोच्चमा पुनरावेदन दर्ता गरिएको हो ।
बिज्ञापन
