संघीय मामिला तथा सामान्य प्रशासन मन्त्रालयको प्रवक्ताको जिम्मेवारी सहसचिव कालीप्रसाद पराजुलीलाई दिइएको छ । केही अघिमात्र शिक्षा मन्त्रालयको कर्मचारी प्रशासन महाशाखाबाट सरुवा भएर संघीय मामिला तथा सामान्य प्रशासन मन्त्रालयमा भित्रिएका पराजुलीलाई मन्त्रालयले प्रवक्ताको जिम्मेवारी दिइएको हो ।
बिज्ञापन
पराजुलीले केपी शर्मा ओली प्रधानमन्त्री हुँदा काठमाडौंको प्रमुख जिल्ला अधिकारीको जिम्मेवारीमा थिए । १० महिना काठमाडौंको प्रमुख जिल्ला अधिकारी चलाएका उनलाई अहिले मन्त्रालयको प्रवक्तासँगै योजना तथा विकास सहायता समन्वय महाशाखाको जिम्मेवारी दिइएको छ । काठमाडौंको प्रमुख जिल्ला अधिकारी हुनु अघि पराजुली अख्तियार दुरुपयोग अनुसन्धान आयोगमा कार्यरत थिए ।
बिज्ञापन
यस अघि प्रवक्ताको जिम्मेवारी सम्हालिहरेका कमलप्रसाद भट्टराई प्रधानमन्त्री तथा मन्त्रिपरिषद्को मातहतको सम्पत्ति शुद्धीकरणको महानिर्देशकको जिम्मेवारी सम्हाल्न पुगेसँगै मन्त्रालयको प्रवक्ताको पद रिक्त थियो ।
