विशेष अदालतले भ्रष्टाचारी ठहरिएका सिनियर डिभिजनल इन्जिनियर ५७ वर्षीय नवीनकुमार पोखरेलको घरबाट ‘सुसाइड नोट’ समेत फेला परेको छ । भक्तपुरको लोकन्थलीमा शुक्रबार आफ्नै निवास झुन्डिएको अवस्थामा फेला परेका पोखरेलमाथि प्रारम्भिक अनुसन्धान गर्दा आत्महत्या गरेको देखिएको भक्तपुर प्रहरीका प्रमुख एसपी बेद विष्टले जानकारी दिए ।
बिज्ञापन
प्रहरी स्रोतले सुसाइड नोटमा आफ्नो मृत्युको जिम्मेवारी आफैं भएको भन्दै कसैको दोष नरहेको लेखिएको छ ।प्रहरीका अनुुसार, ‘नोटमा मैले आफ्नै कारणले आत्महत्याको बाटो रोजेको हुँ । कसैलाई दोष नदिनु होला । सकेसम्म तिमीहरु पनि नेपाल नबस्नु होला । चाँडै विदेश जानुहोला ।’
बिज्ञापन
विशेष अदालतले उनलाई बुधबार ६ महिना कैद र ५ करोड ८४ लाख ५५ हजार १ सय ५९ रुपैयाँ जरिवाना असुलको फैसला सुनाएको थियो।
सुरक्षण मुद्रण केन्द्रका तत्कालीन कार्यकारी निर्देशक विकल पौडेलसहित चार जना दोषी ठहर भएका थिए । विशेष अदालतका अध्यक्ष टेकनारायण कुँवर र सदस्य मुरारीबाबु श्रेष्ठको इजलासले फैसला गरेको थियो।
