सचिव बढुवा सिफारिस समितिले दुई सहसचिवलाई सचिव बढुवाका लागि सिफारिस गरेको छ । राष्ट्रिय तथ्याङ्क कार्यालयका प्रमुख तथ्याङ्क अधिकारी तोयम राया महालेखापरीक्षकमा नियुक्त भएसँगै रिक्त रहेको एक सचिवको पद र कायममुकायम महालेखापरीक्षक महेश्वर काफ्ले घर गएसँगै रिक्त हुन पुगेको सचिव पदमा एक एक जना सहसचिवको नाम सिफारिस भएको हो ।
बिज्ञापन
प्रशासनतर्फ रिक्त एक सचिव पदका लागि केदारनाथ शर्माको नाम सिफारिस भएको छ । शर्मा कोशी प्रदेश, विराटनगरका कायम मुकायम प्रमुख सचिवको रुपमा कार्यरत छन् । उनको नाम एकल सिफारिसमा परेको हो । निजामती सेवा ऐनअनुसार कार्यसम्पादन मूल्याङ्कन (८० प्रतिशत) का आधारमा हुने बढुवामा लगातार चार पटकसम्म एक सचिवका लागि तीन वरिष्ठ सहसचिव र पाँचौँ पटक ज्येष्ठता (२) प्रतिशत० बाट एक जना मात्र ज्येष्ठ सहसचिवको नाम सिफारिस गर्ने व्यवस्था अनुसार सबैभन्दा ज्येष्ठ सहसचिव शर्माको नाम मात्रै सिफारिस गरिएको हो ।
बिज्ञापन
यता कायममुकायम महालेखापरीक्षक महेश्वर काफ्ले अनिवार्य अवकाशमा गएसँगै रिक्त हुन पुगेको सचिव पदमा वैकुण्ठ बहादुर अधिकारीको नाम एकल सिफारिस भएको छ ।
बिज्ञापन
