विशेष अदालतको फैसलाविरुद्ध अख्तियार सर्वाेच्चमा पुगेको छ ।एउटा ठूलो माछा उपर अख्तियारले झण्डै १८ करोड ६६ लाखको भ्रष्टाचार मुद्धा चलाउँछ । पाँच बर्षसम्म अदालतमा लन्ठाइएको मुद्धामा फैसला आउँछ तर अख्तियारको मागदावी भन्दा आधा मात्र सजाय तोकेर । विशेषले ९ करोड १९ लाखमात्र जरिवाना तोकेपछि अख्तियारलाई चित्त बुझ्दैन र फैसला आएको ६ महिना पछि अख्तियार विशेषका विरुद्ध सर्वाेच्च पुगेको छ ।
बिज्ञापन
अख्तियारले नेपाल आयल निगमका तत्कालीन कार्यकारी निर्देशक गोपाल खड्काको फैसला चित्त नबुझेको भन्दै पुनरावेदनका लागि सर्वाेच्च अदालतमा पुगेको हो ।
अख्तियारले नेपाल आयल निगमका कार्यकारी निर्देशक गोपाल खड्काले पदमा रहँदा १८ करोड ६६ लाख ५ हजार ६२९ रुपैयाँ गैरकानुनी रुपमा आर्जन गरेको अभियोग लगाउँदै उक्त रकम, सम्पत्ति जफत र कैद सजायको माग गर्दै विशेष अदालतमा पुगेको थियो २३ पुस २०७५ मा ।
बिज्ञापन
अख्तियारले मुद्धा दायर गरेको पाँच बर्ष पछि विशेष अदालतले १५ असार, २०८० मा खड्कालाई ९ करोड १९ लाख जरिवाना र १५ महिना जेल सजायको फैसला सुनायो । यही फैसला चित्त नबुझेको भन्दै अख्तियार सर्वाेच्च पुगेको हो ।
विशेष अदालतका न्यायाधीशत्रय श्रीकान्त पौडेल, शालिकराम कोइराला र खुशीप्रसाद थारुको संयुक्त इजलासले शुक्रबार खड्कालाई ९ करोड १९ लाख ६ हजार ६३४ रुपैयाँ जरिवाना र सोही बराबर बिगो तोक्दै १ वर्ष तीन महिना कैद सजाय सुनाएको हो । साथैं साथै इजलासले उनको नाममा भएको सबै सम्पत्ति र श्रीमतीको नाममा भएका दुईवटा जग्गा पनि जफत गर्न आदेश दिएको छ ।
बिज्ञापन
अख्तियारले प्रर्याप्त प्रमाणहरु हुँदाहुँदै पनि मागदावी भन्दा आधा मात्र सजाय सुनाइएको प्रति चित्त नबुझेको कारण पुनरावेदन गर्न परेको जनाएको छ ।
