एयर डाइनेस्टीको हेलिकप्टर शिवपुरीमा दुर्घटनाग्रस्त भएको छ । काठमाडौंबाट रसुवाको स्याफ्रुबेसीतर्फ जाँदै गरेको हेलिकप्टर बुधबार दिउँसो शिवपुरीमा दुर्घटनामा परेको हो ।
बिज्ञापन
एअर डाइनास्टीको हेलिकोप्टर नुवाकोटको शिवपुरी गाउँपालिका ७ स्थित सूर्यचौर डाँडामा दुर्घटनाग्रस्त भएको छ । हेलिकप्टरमा ४ यात्रु र क्याप्टेन अरुण मल्ल गरी ५ जना सवार रहेको जनाइएको छ । हेलिकप्टरमा सवार एक महिला र चार पुरुषको शव दुर्घटना स्थलबाट निकालिएको छ । हेलिकप्टरमा चिनियाँ पर्यटकमा जुदाड टाङ (पुरुष), जी लि (पुरुष), यियाद वु –महिला) र जेमिङ सी (पुरुष) रहेका छन् । हालसम्म चार जनाको शव फेला परेको बताइएको छ ।
बिज्ञापन
यस अघि २०१९ मा एयर डाइनेस्टीको हेलिकप्टर दुर्घटनामा परेको थियो । एन एमाई कल साइन भएको सो हेलिकप्टर चाटर्ड फ्लाइटका दौरान ताप्लेजुङको पाथिभरा मन्दिरबाट तेह्रथुम फर्कने क्रममा दुर्घटनामा परेको थियो ।
नेपाली आकाशमा हेलिकप्टर दुर्घटना योसहित ४० वटा भइसकेको छ ।
