एक जना अधिकृत तहका कर्मचारी त्रर्षमा तीन पटक सरुवामा पर्दछन्,तर सरुवा उल्टाएर पूरानै ठाउँमा बसेर व्यवसायीहरुलाई दुख र हैरानी दिने गरेको गुनासो प्रधानमन्त्री तथा मनित्रपरिषद् कार्यालय मातहतको राजश्व अनुसन्धन विभागदेखि प्रधानमन्त्री कार्यालयसम्म पुगेको छ । यसरी व्यवसायीलाई हैरानी खेलाउने अधिकृत हुन,प्रमोद चौधरी ।
बिज्ञापन
पछिल्लो बर्ष दिनको अवधिमा चौधरी तीन पटक सरुवामा परिसकेका छन् तर तिनैपटक सरुवा उल्टाउन सफल भएका छन् । राजस्व अनुसन्धान विभागले २१ मङ्सिर २०८० मा ५ जना निर्देशकसहित २ अधिकृतको सरुवा गरेको थियो । उक्त लटमा चौधरी पनि सरुवामा परेका थिए तर शक्तिकेन्द्र प्रयोग गरेर सरुवा उल्टाउन सफल भए । त्यस यता दुइए पटक उनको सरुवा भइसकेको छ तर हरेक पटक सरुवा उल्टाएर सोही कार्यालयमा टिकिरहन सफल भएका छन् उनी ।व्यवसायीलाई हैरानी खेलाएको गुनासो आएपछि विभागले बर्ष दिन अगाडि नै उनलाई विभागबाट प्रधानमन्त्री तथा मन्त्रिपरिषद्को कार्यालयमा तानेको थिए ।
बिज्ञापन
पटक पटक सरुवा हुँदा समेत उही कार्यालयका टिकिरहन सफल अधिकृत चौधरीले व्यवसायीहरूलाई आतंकित बनाएको आरोप छ । भारतीय नाकाहरूबाट नेपाल प्रवेश गर्ने मालवाहक गाडीहरूलाई सेटिङमा निर्बाध तरिकाले गन्तव्यसम्म पुग्न सहजीकरण गर्ने , बिना बिल बीजकका मालवाहक सवारी साधनहरूलाई सेटिङमा छाड्ने , विभिन्न ट्रान्सपोर्ट कम्पनी, क्यारिङ गर्ने व्यवसायी तथा भन्सार छलेर लुकीछिपी मालसामान ल्याउनेहरूबाट गलत तरिकाले अतिरिक्त आम्दानी गरी छाड्ने गरेको वीरगञ्जका एक व्यवसायीले बताए । चौधरीले आफूखुशी मालवाहक गाडीलाई लाइन दिने गरेका छन् । चेकजाँच र अनुगमनका नाममा चौधरीले अतिरिक्त रकम असुली उनीहरूलाई सुनपानी छर्किने गरेका छन् ।
राजस्व अनुसन्धान कार्यालयमा चेकजांचको लागी आउने मालबाहक सवारी साधनका धनी एवम व्यवसायीक फर्म तथा ट्रान्सपोटरहरुलाई मेस खर्च वापत मासिक खर्च दिन भन्दै चौधरीले दवाव दिने गरेका व्यापारीहरुका गुनासो आएका छन् । त्यति मात्र नभई चौधरीले मालसामानमा केही कैफियत फेला परे पनि बिना कैफियत दिन आवस्यक कागजात मिलानका लागी सुझाव दिएर छुट्टै मोलमोलाई गरेर असुली गर्ने गरेका व्यापारीहरुको गुनासो छ ।
बिज्ञापन
केही समय पहिला राजस्व अनुसन्धान कार्यालय पथलैयाको गोदाम खाली गर्ने नाममा नष्ट गर्नुपर्ने सामान रवि नेपाली र प्रमोद चौधरीले मिलेमतोमा बिक्री गरेका छन् । जफत गरेका मालवस्तुहरू, काँचो पाम आयाल, धानको बिउ एक ट्रक, सूर्ती , पान मसाला, पत्तावाला सूर्ती, तुलसी, रेडबुल जुसलगायतका मालवस्तुहरू सडेगलेको भन्दै नष्ट गर्ने नाममा धान एक ट्रक, दाना उद्योेग र अन्यसामान बिक्री गरेको बाइएको छ । सामान नष्ट गर्दा मुचुल्का अनिवार्य हुन्छ तर उक्त सामान नष्ट गर्दा मुचुल्का समेत बनाइएको छैन् ।
यस बिषयमा प्रतिक्रियाका लागि चौधरीलाई सम्पर्क गर्दा उनी सम्पर्कका आउन चाहेनन् ।
