नेपाली सेनाका महासेनानी(कर्णेल) दिरेन्द्रकुमार मल्ल बर्खास्तमा परेका छन् । समरी सैनिक जनरल अदालतले मल्ललाई मंगलबार बर्खास्त गरेको हो ।
बिज्ञापन
नेपाली सेनाका प्रवक्ता तथा सहायक रथी गौरवकुमार केसीले मल्ललाई सैनिक अदालतले बर्खास्त गरेको पुष्टि गरे। ‘भविष्यमा सरकारी सेवामा अयोग्य नठहरिने गरी सैनिक अदालतले बर्खास्त गरेको हो’ केसीले भने ।
बिज्ञापन
मल्ल संयुक्त राष्ट्र संघको स्थायी नियोगमा कार्यरत थिए।न्यूयोर्कस्थित राष्ट्रसंघीय स्थायी मिसनमा सैनिक सहचारीका रूपमा कार्यरत मल्लको शैक्षिक प्रमाणपत्रमा कैफियत देखिएपछि अमेरिकाबाट झिकाएर अनुसन्धान थालिएको थियो। उनी केही महिनाअघि मात्र सैनिक सल्लाहकारको दरबन्दीमा गएका थिए।
उनी सैनिक प्रहरीको हिरासतमा थिए। छानबिन प्रतिवेदनका आधारमा सैनिक अदालतले उनलाई बर्खास्त गर्ने निर्णय गरेको हो।उनको नागरिकता, शैक्षिक प्रमाणपत्रलगायतमा कैफियत देखिएको थियो ।
बिज्ञापन
