राजश्व अनुसन्धान विभागले विद्युतीय गाडी बिवाईडी बिक्री गर्ने साइमेक्स इंक कम्पनीमा छापा मारेको छ । भन्सार छली गरेर गाडी भित्र्याउने सूचनाका आधारमा विभागले कम्पनीमा छापा मारेको हो ।
बिज्ञापन
कम्पनीमाथि भन्सार र अन्तशुल्क छली गर्न विद्युतीय गाडीको किलोवाट क्षमता घटाएर भन्सार घोषणा गरेको आरोप छ ।कम्पनीमा छापा मारेको राजश्व विभागले कम्पनीका सम्पूर्ण कागजात जफत गरेको छ भने थप केही कागजात कम्पनीसँग माग गरेको छ । हाल जफत गरिएका कागजातमाथि थप अनुसन्धान भइरहेको विभागका एक अधिकारीले बताएका छन् ।
भन्सार र अन्तशुल्क छल्न वीवाइडीले आयात गरेको गाडीको किलोवाट क्षमता घटाएर भन्सार घोषणा गरेको कम्पनीमाथि आरोप छ ।
बिज्ञापन
विभागले कम्पनीसँग थप केही कागजात मागेकाे छ । यद्धपी थप अनुसन्धान पछि मात्र विभागले निष्कर्षमा पुग्ने बताएकाे छ । राजश्व छलीमा दोषी ठहर भएमा झण्डै ४ अर्ब रुपैयाँ बिगो र जरिवाना वीवाइडीले तिर्नुपर्ने हुनसक्छ ।यसकासाथै, विद्युतीय गाडीले किलोवाट घटाएर भन्सार छलेको भन्दै बेग्ला बेग्लै अनुसन्धान भन्सार विभागले गरिरहेको छ ।
राजस्व अनुसन्धान विभागका महानिर्देशक चक्रबहादुर बुढाले साइमेक्स इंकको केही कागजपत्र विभागले ल्याएको र केही माग गरेको बताए ।उनले भने, ‘सूचनामाथि राम्रो अध्ययन गरेर नै साइमेक्स इंकको अनुसन्धान सुरु गरेका हौँ । अन्य विद्युतीय गाडी आयात गरी विक्री गर्ने कम्पनीको पनि हामीले अध्ययन गरिरहेका छौँ । अध्ययनपछि ती कम्पनीले पनि गाडीको किलोवाट छली गरेको देखियो भने अनुसन्धान सुरु गर्ने छौँ । हामीसँग नेपालमा आयात हुने धेरै विद्युतीय गाडीले थोरै किलोवाट देखाएर गाडी आयात गरेको भन्ने सूचना आएको छ । त्यो सूचना माथि पनि हामीले काम गरिरहेका छौँ ।’
बिज्ञापन
बिवाईडीका एटिटिओ ३ सहितका विभिन्न मोडलका गाडीहरु नेपाल भित्राउँदा भन्सार कार्यालयमा झुठो विवरण पेश गरी न्यून कर तिरेर कर छली गरेको हो ।
बिवाईडीको एटिटिओ ३ गाडीमा १५० किलोवाटको मोटर रहेको भएपनि ढाँटेर १०० किलोवाट भन्दै कर छली गरेको थियो । नेपालमा सो गाडी सर्वाधिक बिक्री हुने गाडीभित्र पर्दछ ।
