सरकारले तीन जना सचिवको सरुवा गरेको छ । आज बसेको क्याविनेट बैठकले तीन सचिवको सरुवा गरेको हो । बैठकले स्वास्थ्य तथा जनसंख्या मन्त्रालयको जनसंख्या प्रशासन हेर्ने सचिव मधुसुदन बुर्लाकोटीलाई प्राकृतिक स्रोत तथा वित्त आयोगमा पठाएको छ । त्यहाँ कार्यरत रहेका सचिव विनोदप्रकाश सिंहलाई महालेखा नियन्त्रकको रुपमा सरुवा गरेको छ ।
बिज्ञापन
सरकारले गत चैत्र १९ गतेमात्र उपराष्ट्रपति कार्यालयमा रहेका बुर्लाकोटीलाई स्वास्थ्य मन्त्रालयको प्रशासनतर्फको सचिवको जिम्मेवारी दिएको हो । उनी दुई महिनामै त्यहाँबाट सरुवा भएका हुन । पछिल्लो समय सरुवाको बिषयमा लिएर मन्त्रालयका सचिव रोशन पोखरेल र बुर्लाकोटीबीच विवाद सतहमा आइरहेको थियो । खरो र हक्की स्वभावका प्रशासकका रुपमा चिनिएका बुर्लाकोटीलाई स्वास्थ्यबाट हटाइनुको पछाडि मुख्यसचिव बैकुण्ठ अर्याल र विनोदप्रकाश सिंहबीचको विशेष सम्बन्धले पनि काम गरेको प्रशासकहरु बताउँछन् । प्राकृतिक स्रोत तथा वित्त आयोगका सचिव विनोदप्रकाश सिंहलाई महालेखा नियन्त्रकको कार्यालयमा र महालेखा नियन्त्रकको कार्यालयका सचिव हरि मैनालीलाई जनसंख्या सचिवमा सरुवा गरिएको छ ।
बिज्ञापन
बिज्ञापन
