नेपाल सरकारका सचिव सुरेश अधिकारी सेवा हदका कारण घर फर्किएका छन् । ०७६ बैशाख १० मा नेपाल सरकारको सचिव नियुक्त भएका थिए। उनी पाँच बर्षे सेवा अवधि पूरा गरेर आजबाट फर्किन लागेका हुन । मन्त्रालयले चार बजे सचिव बिदाइको कार्यक्रम राखेको छ ।
बिज्ञापन
निजामती सेवामा ३६ वर्ष काम गरेका अधिकारी सहसचिव हुँदा गृह मन्त्रालय र मातहतका विभिन्न निकाय, सुचना तथा सञ्चार मन्त्रालय, निर्वाचन आयोग, अख्तियार दुरुपयोग अनुसन्धान आयोग, राष्ट्रपति कार्यालय, संघीय मामिला तथा सामान्य प्रशासन मन्त्रालयमा रहेर महत्वपुर्ण जिम्मेवारी निर्वाह गरे ।
बिज्ञापन
यस्तै सचिवमा बढुवा भए पछि कोशी प्रदेश प्रमुख सचिव, अख्तियार दुरुपयोग अनुसन्धान आयोग, संघीय मामिला तथा सामान्य प्रशासन मन्त्रालय, संस्कृति, पर्यटन तथा नागरिक उड्डयन मन्त्रालय र शिक्षा, विज्ञान तथा प्रविधि मन्त्रालयमा बिताए ।
अधिकारीले अवकाश पाएसँगै चार सचिव पद रिक्त हुन पुगेको छ । वैशाख १७ गते एकै दिन तीन सचिव रिक्त हुन पुगेको छ । यस्तै सर्वोच्च अदालतका रजिस्ट्रार नारायणप्रसाद पन्थी र महान्यायाधिवक्ता कार्यालयका नायब महान्यायाधिवक्ता विश्वराज कोइरालाले आजैबाट सेवानिवृत्त हुँदैछन् । पाँच महिनादेखि न्यायपरिषद् सचिव रिक्त छ । यस्तै ११ दिन पछि अर्को सचिव घर जाँदैछन् । २८ गते कृषि तथा पशुपन्छी विकास मन्त्रालयका कृषि सचिव रेवतीरमण पौडेल सेवानिवृत्त हुन लागेका छन् ।
बिज्ञापन
