भूमि व्यवस्था तथा अभिलेख विभागका महानिर्देशक विदुरप्रसाद खनालमाथि कार्यकक्षमै दुर्व्यवहार भएको छ ।
बिज्ञापन
उनलाई क्रान्तिकारी माओवादी बताउने युवाहरूले बुधवार अपरान्ह बबरमहलस्थित कार्यकक्षमै छिरेर कालोमोसो दलेका हुन् । मोहन वैद्य निकट युवा नेताहरूले बबरमहलस्थित खनालको कार्यकक्षमा प्रवेश गरी केही काम नगर्ने र सरकारी जग्गा व्यक्तिको नाममा ल्याउन मिलेमतो गरेको आरोप लगाउँदै मोसो दलेका थिए।
यसरी मोसो दल्ने दुई जनालाई प्रहरीले पक्राउ गरेको छ । पक्राउ पर्नेमा कटारी ६ उदयपुर घर भई काठमाडौंको लाजिम्पाट बस्ने भीमबहादुर सार्की र प्युठान घर भई कुपन्डोल बस्ने किशोर कुँवर छन्।
बिज्ञापन
यस अघि तीन महिना अघिमात्र यातायात व्यवस्था विभागका महानिर्देशकलाई यसैगरी कार्यकक्षमा मोसो दलिएको थियो । क्रान्तिकारी युवा संगठनले लाइसेन्स घोटालामा संलग्न भएको आरोप लगाउँदै माघ अन्तिममा मिनभवनस्थित कार्यकक्षमा पुगेर कालोमोसो दलेर दुर्व्यवहार गरेको थियो ।
बिज्ञापन
