सरकारले मोहम्मद जयन्तीको अवसरमा आगामी बुधबार नेपाली मुस्लिम धर्मावलम्बीका लागि मात्रै सार्वजनिक बिदा दिने भएको छ।
बिज्ञापन
गृह मन्त्रालयले मंगलबार सूचना जारी गर्दै भदौ १० गते बुधबार मोहम्मद जयन्ती परेको भन्दै मुस्लिम धर्मावलम्बीका लागि सार्वजनिक बिदा हुने स्पष्ट पारेको हो।
बिज्ञापन
मन्त्रालयका अनुसार यसअघि २०८२ फागुन १८ गते नेपाल राजपत्रमा प्रकाशित सूचनामै मोहम्मद जयन्तीका दिन नेपाली मुस्लिम धर्मावलम्बीलाई सार्वजनिक बिदा दिने व्यवस्था गरिएको थियो। सोही व्यवस्थाअनुसार मुस्लिम आयोगले यस वर्षको मोहम्मद जयन्ती भदौ १० गते परेको जानकारी गराएपछि सरकारले बिदा दिने निर्णय गरेको हो।
गृह मन्त्रालयका प्रवक्ता एवं सहसचिव आनन्द काफ्लेले जारी गरेको सूचनामा भदौ १० गतेको बिदा नेपाली मुस्लिम धर्मावलम्बीहरूका लागि मात्र लागू हुने उल्लेख छ।
बिज्ञापन
यससँगै बुधबार देशभरका मुस्लिम समुदायले मोहम्मद जयन्ती मनाउनेछन् भने अन्य समुदायका लागि भने नियमित रूपमा सरकारी तथा सार्वजनिक कार्यालय सञ्चालन हुनेछन्।
मन्त्रालयले राजपत्रमा यसअघि नै कायम गरिएको व्यवस्थाअनुसार बिदा कार्यान्वयन गरिएको जनाएको छ।
