सरकारले विभिन्न तीन वटा विभागका महानिर्देशकहरु हेरफेर गरेको छ । जसमा दुई वटा विभागमा सहसचिव खटाइएको छ भने एक वटा विभागमा उपसचिवलाई निमित्त महानिर्देशकको जिम्मेवारी दिएर खटाइएको छ । महानिर्देशकको जिम्मेवारी हेरफेर भएका विभागहरुमा जसमध्ये सञ्चार मातहतका दुईवटा र पर्यटन मन्त्रालय मातहतको एक विभाग रहेको छ ।

बिज्ञापन

सूचना तथा सञ्चार मन्त्रालयमा मातहत रहेको सूचना तथा प्रशासरण विभागको निमित्त महानिर्देशकमा अनुप नेपाललाई खटाइएको छ । नेपाल उपसचिव हुन, लामो समयदेखि मन्त्रालयको फ्रिक्वेन्सी व्यवस्थापन महाशाखामा कार्यरत रहेका नेपाललाई सूचना तथा प्रसारण विभागको निमित्त महानिर्देशकको जिम्मेवारी दिएर खटाइएको हो । यस्तै मन्त्रालयले छविन्द्र पराजुलीलाई मुद्रण विभागको महानिर्देशक बनाएर खटाएको छ । यस अघि मुद्रण विभागको महानिर्देशक रविलाल शर्मालाई भने मन्त्रालयमा लगिएको छ ।