खोला किनाराबाट विस्थापित भएका र सरकारले होल्डिङ सेन्टरमा राखिएका सुकुम्बासीहरु झनै बिजोग भएको छ । विभिन्न खोला किनाराबाट हटाएर सरकारले कीर्तिपुर नगरपालिका–१० को सुन्दरीघाटस्थित राधास्वामी सुकुमवासी होल्डिङ सेन्टर डुबानमा परेसँगै त्यहाँ बसोबास गर्दै आएका सयौं परिवारको विचल्ली भएको छ । सरकारले काठमाडौँको विभिन्न स्थानबाट हटाएका सुकुमबासीलाई राखेको कीर्तिपुर होल्डिङ सेन्टर जलमग्न हुँदा विस्थापितहरुको झनै बिजोग हुन पुगेको छ ।
बिज्ञापन
लगातारको वर्षाका कारण नदीको जलस्तर बढेसँगै शनिबार बिहानसम्म पनि होल्डिङ सेन्टर जलमग्न हुन पुगेको थियो । राति पसेको बाढीका कारण त्यहाँ रहेका बालबालिका, वृद्धवृद्धा र अन्य आश्रितहरू समस्यामा परेका छन्। सुरक्षाकर्मी रातीको २ बजे पछि मात्र पुगेका थिए ।
बिज्ञापन
होल्डिङ सेन्टरमा रहेका १५४ मध्ये ५४ जनाको उद्धार गरी त्रिभुवन विश्वविद्यालय परिसरमा रहेको स्मृति भवनमा राखिएको छ । ९४ जना अन्यत्र जान नमानेपछि सेन्टरभित्रै पानी नपसेको सुरक्षित स्थानमा बसिरहेका छन् ।केही भने नजिकका आफन्तकहाँ आश्र लाग्न गएका छन् ।
