निजामती सेवा नियमावली (१६औँ संशोधन) २०८३ राजपत्रमा प्रकाशित भएको छ । गत जेठ २६ मा बसेको मन्त्रिपरिषद् बैठकबाट निजामती सेवा नियमावलीको १६ औं संशोधन गरिएको थियो ।
बिज्ञापन
जसमा निजामती सेवा नियमावली २०५० को नियम ९५ मा संशोधन गरिएको छ । राजपत्रमा प्रकाशित सूचना अनुसार,मूल नियमावलीको ११७ ख संशोधन गरिएको छ भने मूल नियमावलीको ११७ क,१३३ क र १७ ग खारेज गरिएको हो ।
जस अनुसार नियमावलीको ९५ को उपनियम १ को खण्ड ङ मा सिफारिस समितिको सदस्यमा आधिकारिक ट्रेड युनियनको अध्यक्ष प्रतिनिधि रहने व्यवस्था रहेकोमा सो व्यवस्था हटाइएको छ ।
यस्तै,मूल नियमावलीको ११७ को ख को उपनियम च बाट कर्मचारी सम्बन्धमा रहने समितिबाट आधिकारिक ट्रेड युनियनको अध्यक्ष प्रतिनिधि रहने व्यवस्था हटाइएको छ ।
यस्तै मूल नियमावलीको ११७ क मा निजामती कर्मचारी ट्रेड युनियनसँग सम्बन्धित व्यवस्था रहेकोमा सो १३३ क मा पीरमर्का र गुनासो सुन्ने व्यवस्था रहेकोमा सो समेत खारेज गरिएको छ । यस्तै निजामती सेवा नियमावलीको अनुसूची १७ ग खारेज गरिएको राजपत्रमा उल्लेख छ ।
