नेपाल टेलिकमको बिलिङ प्रणाली ठेक्कापट्टा सम्बन्धी मुद्दामा सबै प्रतिवादीले सफाइ पाएका छन् । विशेष अदालतका न्यायाधीशद्वय नारायणप्रसाद पौडेल र विदुर कोइरालाको इजलासले बिहीबार सबै प्रतिवादीलाई सफाइ दिने फैसला गरेको हो।

बिज्ञापन

अख्तियारले तत्कालीन प्रबन्ध निर्देशक सुनील पौडेल, प्रमुख व्यावसायिक अधिकृत संगीता पहाडी अर्यालसहित टेलिकमका कर्मचारीहरू प्रतिभा वैद्य, राजेन्द्र श्रेष्ठ, झविन्द्रलाल उपाध्याय, विनिता श्रेष्ठ, अमूल प्रधान, देवेन्द्र खतिवडा, राजीवकुमार केसी, सन्तोषकुमार श्रेष्ठ, नवल चौधरी, मुक्तिप्रसाद अर्याल, हेमप्रभा कर्ण र परमात्मा भट्टराईलाई समान ३३ करोड ४८ लाख रुपैयाँ बिगो दाबी गर्दै भ्रष्टाचार मुद्दा दायर गरेको थियो।
तर विशेष अदालत काठमाडौंले उक्त ठेक्कापट्टामा कुनै भ्रष्टाचार नभएको ठहर गर्दै सबै प्रतिवादीलाई सफाइ दिने फैसला गरेको हो ।