राष्ट्रिय स्वतन्त्र पार्टी (रास्वपा)का पदाधिकारीको निर्वाचनमा चरम गुटबन्दी देखिएको छ । भर्खरै सकिएको मभहाधिवेशनबाट सभापतिमा रवि लामिछाने,उपसभापतिमा स्वर्णीम वाग्ले निर्विरोध निर्वाचित भएका थिए । उपसभापति (खुला) तर्फ सुरूमा विराजभक्त श्रेष्ठ उमेद्धारी दिने तयारीमा थिए तर अन्तिममा उनी व्याक भए पछि स्वर्णिम निर्विरोध भए।
यस्तै पार्टीको उपसभापतिमा सोविता गौतम ७८९ मत ल्याएर निर्वाचित भइन । सभापति लामिछाने निकट प्रतिभा रावल त उपसभापतिमा सोबिताको प्रस्तावक नै बसेपछि उनको पक्षमा माहोल बन्न पुगेको नेताहरु बताउँछन् ।
उनीसँगै मैदानमा होमिएकी डा तोसिमा कार्कीले ५ सय ७२ मत प्राप्त गरेकी थिइन । यस्तै महामन्त्रीमा विपिनकुमार आचार्य ६७३ मत ल्याएर निर्वाचित हुँदा मनिष झाले ३ सय ४६ मतमा चित्त बुझाउनु परेको छ । प्रतिष्प्रर्धामा रहेका गणेश कार्कीले १६९ र सागर ढकाल १३९ मत प्राप्त गरेका छन् । महामन्त्रीमा उत्रिएका मनीष झा, सागर ढकाल र गणेश कार्कीमध्ये कार्की र ढकाल बालेन्द्र शाह पक्षका नेता हुन्। यस्तै सहमहामन्त्रीमा असिम साह ४७१,हरि ढकाल ४१० मत प्राप्त गरेका छन् । यता सहमहामन्त्री (महिला)तर्फ निशा डाँगीले ७ सय ३७ मत प्राप्त गर्दा रीमा विश्वकर्मा २८२,कामिनीकुमारी चौधरी १४६,विदुषी राणा ८२ मत प्राप्त गरेकी छिन् । महाधिवेशनमा चरम गुटबन्दी भएको भन्दै रास्वपाकै नेताहरुले असन्तृष्टि व्यक्त गरेका छन् । रीमा यस अघि कुलमानको पार्टीमा थिइन । यसरी पदाधिकारीमा निर्वाचित भएकामध्ये असिम शाहबाहेक सबै सभापति रवि लामिछाने पक्षकै नेताहरु रहेका छन् । रास्वपा विधानअनुसार, पदाधिकारीमा ६ पदका लागि निर्वाचन हुने व्यवस्था छ। जसअनुसार, उपसभापतिमा महिलासहित दुई, महामन्त्री एक र सहमहामन्त्रीमा एक महिलासहित पदाका लागि निर्वाचन भएको हो।