बिज्ञापन

बिज्ञापन

विभागले गत जेठ ७ गतेदेखि अनिश्चितकालका लागि सबै किसिमका सार्वजनिक सवारीको दर्ता रोकेकोमा नयाँ व्यवस्थाअनुसार २०८३ जेठ ८ गतेभन्दा अघि नै प्रतितपत्र ९एलसी० खोलिसकी प्रक्रिया अघि बढिसकेका र नेपाल भित्रिसकेका सार्वजनिक सवारी साधनहरूको आवश्यक कागजात हेरी दर्ता गर्न कुनै बाधा पर्ने छैन ।
परिपत्रमा उल्लेख छ, ‘मिति २०८३–०२–०८ वा सोभन्दा अघि नै प्रतितपत्र (एलसी) खोलिसकी प्रक्रिया अघि बढिसकेका साथै नेपाल भित्रिइसकेका सार्वजनिक सवारी साधनहरुको कागजात हेरी सोहीअनुरुप देखिएमा ती सार्वजनिक सवारी साधनहरु दर्ता गर्न कुनै बाधन नगर्ने व्यहोरा निर्णयअनुसार अनुरोध छ ।’

उसो त सरकारले यस अघि सिंहदरबारभित्र कानुन व्यवसायीहरूको प्रवेशमा गेट पास लिनुपर्ने व्यवस्था गरेपछि बारले प्रशासकीय अदालतका अध्यक्षलाई पत्र लेख्दै सुनुवाइ स्थगित गर्न अनुरोध गरेको थियो । पक्षको प्रतिनिधित्वका लागि प्रवेशमा पास लिनुपर्ने जस्ता झन्झट थपी जटिलता पैदा गरिएको र पक्षको प्रतिनिधित्वमा कठिनाइ उत्पन्न भएकाले पूर्ववतको अवस्था सिर्जना नभएम्म प्रशासकीय अदालतको पेसी सूची प्रकाशन लगायतको जरूरी सुनुवाइ बाहेकको अन्य सुनुवाइ स्थगित गर्न पत्र नै लेखेको थियोर । सो निर्णयको चौतर्फी विरोध भएपछि दुई दिनमै उक्त निर्णय उल्टाएर अब अधिवक्ताहरुलाई पूरानै व्यवस्था अनुसार सिंहदरबार प्रवेश गर्न पाउने व्यवस्था गरिएको थियो । यस्तै सरकारले देशैभरका सुकुम्बासी बस्तिहरुमा डोजर चलाउने र अतिक्रमित जग्गा खाली गर्ने निर्णय गरेको भए पनि यसरी सार्वजनिक जग्गा अतिक्रमण गर्नेमा रास्वपाका नेताहरु समेत जोडिएसँगै सरकार व्याक भएको छ ।

यस अघि चौतर्फी दबाब र विरोधको सामना गर्नुपरेपछि बालेनका विश्वासपात्र सस्मित पोखरेलको पत्र एक दिन पनि टिकेन । १३ गते शपथ खाएको पर्सिपल्टै विद्यालय तहदेखि उच्च शिक्षाका तहमा कुनै पनि प्रकारको ब्रिजकोर्स सञ्चालन नगर्न शिक्षा मन्त्रालयका सहसचिव शिवकुमार सापकोटाको नाममा आक्रामक विज्ञप्ति सार्वजनिक भएको थियो । तर विज्ञप्ति तुरुन्तै फिर्ता गर्नुपरेको थियो । यस अघि गरिएको वैशाख १ गतेदेखि विद्यालय तहमा ब्रिजकोर्स पूर्ण बन्देज हुने अघिल्लो दिनको निर्णय सवालमा कानुनबमोजिम सञ्चालन नभएको भए भनेर नरम भाषा प्रयोग गरेर सच्चाइएको थियो । यसरी जेनजीको बलमा ठूलो विनाश र क्षतिपछि आएको सरकारले एकैपटक सबै मोर्चामा फायर खोलेपछि चौतर्फी तनावको स्थिति सिर्जना भएको स्थिति छ ।