काठमाडौँ । राहदानी विभागको पासपोर्ट खरिद प्रक्रियासँग सम्बन्धित अनुसन्धानका क्रममा अख्तियार दुरुपयोग अनुसन्धान आयोगले विभागका महानिर्देशक तीर्थराज अर्याललाई नियन्त्रणमा लिएपछि प्रकरणले नयाँ मोड लिएको छ । यसै अनुसन्धानको सिलसिलामा व्यवसायी सिद्धार्थ थापा पनि सुरक्षा निकायको नियन्त्रणमा रहेको स्रोतले जनाएको छ ।
बिज्ञापन
स्रोतका अनुसार पासपोर्ट खरिद तथा आपूर्तिसँग सम्बन्धित निर्णय, प्रक्रिया र सम्भावित अनियमितताबारे प्रमाण संकलन गर्ने क्रममा अर्यालसँगै थापासँग पनि सोधपुछ भइरहेको छ । थापा राष्ट्रिय सभा सदस्य सुनिल थापाका छोरा हुन् ।
बिज्ञापन
अख्तियारले हालसम्म औपचारिक रूपमा अनुसन्धानको विस्तृत विवरण सार्वजनिक नगरे पनि पासपोर्ट खरिद प्रक्रियामा भएका निर्णय, ठेक्का व्यवस्थापन र सम्बन्धित पक्षहरूको भूमिकाबारे छानबिन केन्द्रित रहेको बुझिएको छ ।
राहदानी विभागसँग सम्बन्धित खरिद प्रक्रियाबारे पछिल्लो समय विभिन्न प्रश्न उठिरहेका बेला आयोगले अनुसन्धानलाई तीव्र बनाएको हो । स्रोतका अनुसार नियन्त्रणमा लिइएका व्यक्तिहरूसँग बयान लिने, कागजात परीक्षण गर्ने तथा आर्थिक कारोबारका पक्षहरू समेत केलाउने काम भइरहेको छ ।
बिज्ञापन
यस घटनापछि राहदानी विभागको बहुचर्चित पासपोर्ट खरिद प्रकरण पुनः चर्चामा आएको छ भने अनुसन्धानको निष्कर्षले थप उच्च पदस्थ अधिकारी तथा सम्बन्धित व्यवसायिक समूहहरू समेत तानिन सक्ने अनुमान गरिएको छ । अख्तियारले भने अनुसन्धान जारी रहेकाले आवश्यक तथ्य प्रमाणका आधारमा थप कदम चालिने जनाएको छ।
