नेपाली कम्युनिस्ट पार्टीका संयोजक तथा पूर्वप्रधानमन्त्री ष्पकमल दाहाल ‘प्रचण्ड’ स्वास्थ्य समस्याका कारण अस्पताल भर्ना भएका छन्। शनिबारदेखि उनी ललितपुरस्थित मेडिसिटीमा उपचाररत छन्।
बिज्ञापन
पार्टी नेता रामप्रसाद सापकोटाका अनुसार प्रचण्डलाई निमोनियाको संक्रमण देखिएपछि अस्पतालमा भर्ना गरिएको हो। चिकित्सकहरूको निगरानीमा उनको उपचार भइरहेको र स्वास्थ्य अवस्था क्रमशः सुधार हुँदै गएको बताइएको छ।
बिज्ञापन
उपचारमा संलग्न चिकित्सकहरूले केही समय थप निगरानीमा राख्न सुझाव दिएका कारण उनी आइतबारसम्म अस्पतालमै रहनेछन्। स्वास्थ्यमा उल्लेख्य सुधार देखिएकाले भोलिसम्म डिस्चार्ज गर्ने तयारी रहेको सापकोटाले जानकारी दिएका छन्।
हाल प्रचण्डको स्वास्थ्य अवस्था स्थिर रहेको र चिकित्सकहरूले आवश्यक उपचार तथा परीक्षण जारी राखेका छन्।
