मेरिटोक्रेसीको चर्काे वकालत गरेको वालेन सरकारका एक पछि अर्काे नियुक्तिहरु विवादमा परेका छन् । विश्वविद्यालयका प्रध्यापक नियुक्तिदेखि विभिन्न निकायमा सैनिक पृष्टभूमिका विवादित व्यक्तिहरु नियुक्ति गरिरहेको सरकारको पछिल्लो नियुक्ति समेत विवादमा परेको छ ।
बिज्ञापन
सरकारले चिकित्सा शिक्षा आयोगको रिक्त रहेको उपाध्यक्ष पदको जिम्मेवारी डा श्रीकृष्ण गिरीलाई दिइएको छ । आयोगको संस्थापक उपाध्यक्ष रहेका गिरीलाई प्रधानमन्त्री बालेनले हालैमात्र त्यस्तो जिम्मेवारी दिएका हुन । २६ भदौ २०७६ मा तत्कालीन प्रधानमन्त्री केपी शर्मा ओलीले नेकपाका नेता पुष्पकमल दाहाल प्रचण्ड, नारायणकाजी श्रेष्ठको कोटाबाट उनलाई नियुक्त गरेका थिए । त्यतिबेला प्रचण्ड र श्रेष्ठनिकट मानिएका गिरिराजमणि पोखरेल शिक्षामन्त्री थिए । सोही समयमा उनी उपाध्यक्ष नियुक्त भएका थिए । सो अवधिमा उनले चार बर्ष काम गरिसकेका छन् ।
बिज्ञापन
एमाले र कांग्रेसको गठबन्धन सरकारले कांग्रेसको कोटाबाट अन्जनीकुमार झालाई नियुक्त गरेको थियो । सार्वजनिक पदाधिकारीको पदमुक्तिसम्बन्धी विशेष व्यवस्था गर्न बनेको अध्यादेशका कारण झासहितका पदाधिकारी पदमुक्त भएपछि तत्कालका लागि गिरी उपाध्यक्ष नियुक्त भएका हुन् । माओवादी निकट रहेको र माओवादीको सत्ता हुँदा नियुक्ति पाएका उनै गिरीलाई वर्तमान सरकारले उपाध्यक्षमा नियुक्त गरेको हो ।
बिज्ञापन
