नेपाल सरकार, सूचना तथा सञ्चार मन्त्रालयले सार्वजनिक सेवा प्रसारण संस्थामा रिक्त रहेको अध्यक्ष पदका लागि हिजो आह्वान गरेको दरखास्त प्रक्रिया आज रद्द गरेको छ ।
गत वैशाख १९ गते ल्याइएको सार्वजनिक पदाधिकारीको पदमुक्तिसम्बन्धी विशेष व्यवस्था अध्यादेशले सार्वजनिक निकायका पदाधिकारी पदमुक्त भएका थिए । अध्यादेश जारीपछि रित्तिएका सरकारी सञ्चारमाध्यममा कार्यकारी प्रमुखको नियुक्ति प्रक्रिया अघि बढाइएकोमा सार्वजनिक सेवा प्रशारण संस्था (पिएसबी) अध्यक्ष पदको दरखास्त आजै रद्ध गरिएको हो ।
बिज्ञापन
मन्त्रालयले हिजोमात्र गोरखापत्र संस्थान,प्रेस काउन्सिल र पिएसबीका लागि अध्यक्ष र महाप्रबन्धक नियुक्त गर्न दरखास्त आह्वान गरेको थियो । जहाँ तोकिएको योग्यता पुगेका इच्छुक व्यक्तिले जेठ १८ गतेसम्म आवेदन दिन सक्ने जनाइएको थियो । तर मन्त्रालयले आज एक सार्वजनिक सूचना जारी गर्दै हिजो मात्र प्रकाशित गरिएको दरखास्त आह्वान सम्बन्धी सूचना रद्द गरेको छ । मन्त्रालयले दरखास्त रद्ध गर्नुको कारण विशेष कारणवश भनेको छ ।
बिज्ञापन
