सशस्त्र प्रहरी बल नेपालमा रिक्त रहेको नायव महानिरीक्षक (डीआईजी) पदमा राजेन्द्र खड्का बढुवाका लागि सिफारिस भएका छन्।
बिज्ञापन
अतिरिक्त महानिरीक्षक (एआईजी) पदमा अञ्जनीकुमार पोखरेलको बढुवा भएपछि खाली भएको डीआईजी पदमा बढुवा समितिले खड्काको नाम सिफारिस गरेको हो।
बिज्ञापन
खड्का सशस्त्र प्रहरी निरीक्षक २ नम्बर बेसिकका अधिकृतका रूपमा परिचित छन्। संगठनभित्र लामो समयदेखि विभिन्न जिम्मेवारी सम्हाल्दै आएका उनलाई कार्यसम्पादन, अनुभव र वरिष्ठताका आधारमा डीआईजीमा सिफारिस गरिएको स्रोतले जनाएको छ।
हाल सशस्त्र प्रहरी बलभित्र उच्च तहको नेतृत्व व्यवस्थापन र जिम्मेवारी पुनःसंरचनासँगै बढुवा प्रक्रिया अघि बढाइएको छ। खड्काको सिफारिससँगै संगठनभित्र नयाँ नेतृत्व तहको समीकरणसमेत चर्चामा आएको छ।
बिज्ञापन
