लोक सेवा आयोगले विभिन्न सेवातर्फ सात जना सहसचिव नियुक्तिका लागि सिफारिस गरेको छ । आयोगले नेपाल प्रशासन सेवा,लेखापरीक्षण,न्याय र संघीय संसद सेवा गरी सात जना कर्मचारीहरु सहसचिवमा नियुक्तिका लागि सिफारिस गरिएको हो ।
बिज्ञापन
जस अनुसार,सेवातर्फ विजयकुमार शर्मा र टेकबहादुर वली खुलातर्फबाट सहसचिव नियुक्तिका लागि सिफारिस हुँदा महिला कोटाबाट आरती न्यौपाने र वसन्तबहादुर बोहरा पिछडिएको क्षेत्रतर्फबाट सिफारिस भएका छन् । यस्तै, लेखा परीक्षण सेवातर्फ नरेन्द्र सञ्ज्याल सहसचिव नियुक्तिका लागि सिफारिस हुँदा न्याय सेवा,कानुन समूहअन्तर्गत मधेसी कोटाबाट नूतन झा र सङ्घीय संसद् सेवाको प्रशासन समूहतर्फ विशाल सापकोटा सहसचिव नियुक्तिका लागि सिफारिस भएका छन् ।
बिज्ञापन
यसरी सहसचिवमा सिफारिस भएकामध्ये बसन्त बोहरा पनि छन । उनी पिछडिएको क्षेत्रबाट सहसचिवमा नियुक्तिका लागि सिफारिस भएका हुन । २० दिन अगाडि उपसचिवको दरबन्दी रहेको श्रम सहचारीमा छनौंट भएका थिए उनी । मन्त्रालयले गत वैशाख १४ मा संयुक्त अरब इमिरेट्सको श्रम सहचारीमा छनौट गरिएको थियो । सहसचिवमा बढुवा भएसँगै उनको यूएइको यात्रा रोकिने स्थिति बनेको छ । श्रम मन्त्रालयले बैकल्पिकको सूचीमा राखेका उपसचिव मेघनाथ रिमालको भाग्य चम्कने स्थिति बनेको छ । डलरमा तलब भत्ता थाप्ने पाइने भएका कारण श्रम सहचारीलाई आकर्षक पदका रुपमा हेरिदैं आएको छ ।
