काठमाडौं । नेपाल वायुसेवा निगमको सञ्चालक सदस्यमा खुला प्रतिस्पर्धाबाट पाँच जना नियुक्त भएका छन्।
बिज्ञापन
संस्कृति, पर्यटन तथा नागरिक उड्डयन मन्त्रालयले बिहीबार सूचना जारी गर्दै निगम ऐन, २०१९ को दफा ४ बमोजिम सञ्चालक सदस्य नियुक्त गरिएको जनाएको हो।
बिज्ञापन
मन्त्रालयका अनुसार मिति २०८३ वैशाख १२ गते गोरखापत्र मा सात दिने सार्वजनिक सूचना प्रकाशन गरी आवेदन माग गरिएको थियो। सो अवधिमा रितपूर्वक आवेदन दिएका २७ जना उम्मेदवारमध्ये शैक्षिक योग्यता, अनुभव, व्यावसायिक कार्ययोजना परीक्षण, प्रस्तुतिकरण तथा अन्तर्वार्ताका आधारमा छनोट प्रक्रिया सम्पन्न गरिएको थियो।
छनोट समितिको सिफारिसपछि मन्त्रीस्तरीय निर्णयबाट वर्णानुक्रमअनुसार डा. दिपक प्रसाद बास्तोला, प्रविन भट्टराई, महेश्वर भक्त श्रेष्ठ, रुपा लामिछाने र लिलाराज ढकाललाई सञ्चालक सदस्यमा नियुक्त गर्ने निर्णय भएको मन्त्रालयले जनाएको छ।
बिज्ञापन
मन्त्रालयका अनुसार नियुक्त भएका व्यक्तिहरूलाई सात दिनभित्र मन्त्रालयमा उपस्थित भई नियुक्ति लिन आग्रह गरिएको छ।
